რა არის ციფრული სარკე ?
ციფრული სარკე სკოლის ციფრული განვითარების შეფასების ინსტრუმენტია.
ვინ ახორციელებს სკოლის შეფასებას ?
შეფასებას სკოლის სამუშაო გუნდი ახორციელებს, რომელიც სკოლის დირექტორის, ისტ მენეჯერისა და ინოვატორი მასწავლებლებისგან შედგება.
პლატფორმაზე მუშაობა ორი მიმართულებით ხდება:
- სკოლის რეპორტის გენერირება - სკოლის ციფრული განვითარება ფასდება ინდიკატორების მიხედვით;
- ციფრული სტრატეგიის შემუშავება - რეპორტზე დაყრდნობით ციფრული სტრატეგია მუშავდება და პლატფორმაზე განთავსდება, განვითარებისთვის შესაბამისი მიზნები და აქტივობები იგეგმება.
სკოლის ციფრული განვითარება 15 ინდიკატორით ფასდება, რომელიც 3 სექციადაა დაყოფილი:
- პედაგოგიური ინოვაციები
- ცვლილების მენეჯმენტი
- ციფრული ინფრასტრუქტურა.
სკოლის გუნდი თითოეულ ინდიკატორს შემდეგი სკალის მიხედვით აფასებს:
ა) შენაცვლება: შემთხვევითი და მცირე მასშტაბის ინოვაციური პრაქტიკის ეპიზოდები, რომელიც რამდენიმე მასწავლებელს მოიცავს, სკოლის ლიდერების კოორდინაციის გარეშე.
ბ) შევსება: მასწავლებლების ჯგუფი და სკოლის ლიდერების შიდა კოორდინაცია, ერთმანეთისგან სწავლა
გ) გაღრმავება: პროცესების სისტემური ცვლილება; ინოვაციური ელემენტები ყოველდღიური პრაქტიკის ნაწილია და მთელი სკოლის ჩართვა მიმდინარეობს
დ) გაფართოვება: ინოვაციური პრაქტიკის მუდმივი მონიტორინგი, დადასტურებების შეგროვება და ანალიზი მიმდინარეობს პედაგოგიური კვლევების და სასწავლო ანალიტიკის საფუძველზე
ე) უფლებამოსილება: ძირითადი პრაქტიკის გადააზრება მტკიცებულებებზე დაყრდნობით; ინოვაციური ლიდერობა სკოლის ფარგლებს გარეთ
 |
წარმატებები ჩვენს საყვარელ სკოლას
ReplyDelete